Хирурзи од Загреб случајно запалиле еден пациент на операционата маса, кој се здобил со мали изгореници.

Инцидентот се случил на самиот почеток од операцијата кога лекарите, пред почетокот на зафатот, го премачкале со бензин градниот кош на пациентот, како што вообичаено прават.

Тој бензин инаку се мие, а во случај нешто да остане тоа испарува. Меѓутоа, овој пат тоа не се случило, па кога кардиологот на клиничкиот болнички центар „Ребро“ го зел електроскалпелот, пламнал градниот кош на пациентот.

Хирурзите брзо реагирале, па пациентот поминал само со изгореници од прв степен, а по будењето и отпуштањето од болницата не поднел жалба.