Се се одиграло како на филм, пилотот влегол во авионот и полетал, а потоа од контролната табла во авионската кабина излегла змија и почнала да лази по неговата нога.

Шокираниот пилот Бренден Бленерхасет и покрај паниката успеал да остане прибран и веднаш издал предупредување дека во авионот се наоѓа змија, а потоа итно слетал на аеродром во Дарвин.

„Додека го спуштав авионот змијата лазеше по мојата нога. Тоа беше застрашувачко искуство. Успеав да останам прибран и сигурно да слетам.“

Откако тркалата ја допреле пистата, змијата, за која се верува дека не отровна, исчезнала некаде во внатрешноста на авионот кој сега се наоѓа под лупата на аеродромскиот персонал и зоологот кој се обидува да ја најде.

Овој несекојдневен инцидент неодоливо потсетува на филмот Snakes On A Plane од 2006 година, само со многу посреќен крај.