Управата на зоолошката градина во Единбург соопти со жалење дека кратката сезона за парење безуспешно се завршила за две големи панди кои минатиот декември од Кина стигнаа во Велика Британија.

Шкотксата зоолошка градина се надевала дека по двата претходни неуспешни обиди, овој пат ќе биде „трета среќа“ за мажјакот Јанг Гуанг и женката Тијан Тијан.

Ветеринарите животните вчера два пати ги доведувале во контакт. Дури и се погрижиле да им направат романтична атмосфера, далеку од очите на јавноста. За жал, покрај очигледната привлечност, не дошло до парење.

На видеото можат да се видат пандите како пријателски си играат, но ништо повеќе од тоа.

Јанг Гуанг и Тијан Тијан во единбуршката зоолошка градина дошле во рамки на договорот меѓу Кина и Велика Британија.