Фејсбук го заостри спорот со конкурентската компанија Јаху, со поднесување на контратужба за злоупотреба на патент.

Откако Јаху минатиот месец поднесе тужба против Фејсбук за нарушување на правата за десет патенти во врска со огласувањето, контрола на приватните податоци и социјалното умрежување, главните на популарната социјална мрежа се одлучиле за контраудар.

Фејсбук ги негира обвинувањата и тврди дека конкурентската компанија ги злоупотребила нивните десет патенти за тагирање фотографии, огласување, препораки како и други елементи.

Претставник на Јаху рече дека таа компанија верува дека контратужбата е неоснована и дека претставува само циничен обид да се одвлече вниманието од слабоста на одбраната.

Фејсбук соопшти дека е „непоправливо оштетен“ од постапките на главните на компанијата Јаху и побара судење со порота и неодредена отштета, како и да бидат отфрлени обвинувањата кои ги поднеле Јаху.