Педијатарот Лејла Денмарк, најстариот лекар на светот, починала на 114 години во Аталнта, САД, соопштија членовите на нејзиното семејство.

Докторката Денмарк била првиот педијатар во болницата за деца отворена во Атланта во 1928 година.

Работела се до својата 103 година.

Примала пациенти и во својот дом, а како волонтер при локалната црква им помагала на децата од сиромашни семејства.

„Имаше обичај да праша: ‘Кој е следниот мал ангел?’“, изјави нејзиниот внук, Стивен Хачерсон.

Одликувана е со бројни признанија за допринос во доменот на дијагностиката и лечењето.