Католичката црква во Израел одлучила во иднина Велигден да го слави по „православно сметање“ на времето.

Црквата дала објаснување дека христијанските семејства во таа земја обично се „мешани“, односно дека сопружниците често припаѓаат и на источниот и на западниот обред.

Од овде, како што се наведува, Велигден не е погодно да се слави два пати, пренесува Верската информативна агенција.

Поглаварот на фрањевачкиот монашки ред, кој е многу присутен во Светата земја, кустосот Пицабела, изјавил дека измената во славењето на Велигден ќе биде применувана од следната година.

Додека оваа година разликата меѓу двата Велигдени е недела дена, следната година ќе биде 36 дена.

Тие кои го почитуваат новиот, Грегоријански календар, Велигден ќе го слават на 31 март, а тие кои го сметаат времето по стариот, Јулијански календар - на 5 мај.

Оваа година католиците Велигден го обележуваат на 8 април, а православните во недела на 15 април.