Една данска агенција за недвижности понудила автомобил за сите оние кои ќе купат куќа до 1 мај, во обид да го заживеат пазарот на недвижности...

Директорката на агенцијата рекла дека понудата се однесува на недвижностите во предградијата на Копенхаген за кои постои мало интересирање.

Понудата опфаќа автомобил вреден 100.000 круни (13.500 евра) за купување куќа почнувајќи од 2,5 милиони круни (330.000 евра).

Автомобилот, за кој се плаќа голем данок во Данска, претставува втор трошок во домаќинствата по купувањето стан. Семејствата со деца често се откажуваат од идејата да се преселат во предградијата на Копенхаген поради оваа дополнителна инвестиција.