Норвежанецот Андерс Брејвик, кој во јули минатата година во Осло усмрти 77 личности, планирал да изврши атентат на претседателот на САД, Брака Обама.

Брејвик на истражувачите им рекол дека сакал да го убие Обама во 2009 година, кога во Осло ја примал Нобеловата награда за мир.

Најпрво планирал атентатот да го изврши со автомобил-бомба, а потоа го променил планот и планирал во Градската куќа да влезе преправен во полицаец, но ништо од тоа не можело да резултира, поради обемните мерки на безбедност.

Брејвик на 22 јули минатата година во центарот на Осло активирал автомобил-бомба и притоа животот го изгубија осум личности. Истиот ден на еден остров, оддалечен од Осло околу 40 километри, од огнено оружје уби 69 личности и рани 33.

Судењето за тоа злосторство почнува на 16 април.