25 годишни близначки се одлучиле на операција за промена на полот, затоа што двете отсекогаш сакале да станат мажи.

25 годишните близначки од Кина одлучиле да го остварат својот сон и да станат мажи. Неодамна се подложиле на втората од вкупно три потребни операции за промена на полот во војната болница во Шангај.

„Двете операции поминаа добро“, рече нивниот хирург Зао Једе. „Близначките и понатаму ќе штедат од платите за да можат да се подложат и на последната фаза од промена на полот.“

Сестрите од кинеската провинција Јунан отсекогаш сакале да бидат мажи. Лекарите велат дека девојките уште пред тоа се облекувале како мажи и зборувале како мажи, и се заколнале дека никогаш нема да се венчаат како жени.

Според кинескиот закон, сестрите и понатаму ќе бидат жени, се додека не ја поминат комплетната хируршка процедура и додека не се пријават во надлежните институции и да побарат промена на статусот.