Околу 150 вработени во компанијата „Евро Дизни“, најголемиот европски забавен парк кој се наоѓа во близина на Париз, протестирале поради малата заработувачка.

„Го окупиравме теренот, но не на сила; ги штитиме само нашите права, барајќи повторно преговарање за заработувачките за да постигнеме прифатлив договор“, објасни Давид Шарпентје, член на синдикатот FO.

Демонстрантите не ги спречувале посетителите да влезат во паркот.

„Бараме зголемување на заработувачката од 4% за сите вработени, додека цената за работење во недела би требало да биде поголема од 25%, како и премија од 359 евра за дваесетгодишнината“, прецизирал Жером Макалузо, член на синдикатот CFTC.

Даниел Дрју, заменик на претседателот за човечки ресурси, рече дека жали поради овој протести по преговори кои не резултирале со договор.

Тој потсетил дека управата предложила зголемување од 1,5% како и други видови помош.

Во европскиот „Дизниленд“ се вработени 55.000 луѓе, а овој најголем забавен парк, кој во Европа е отворен на 12 април 1991 година, во изминативе 20 години го посетиле повеќе од 250 милиони луѓе.