Фронтменот на бендот Maroon 5 ќе гостува во втората сезона на популарната хорор серија.

Адам Левин ќе глуми во втората сезона на серијата „Американска хорор приказна“.

Првата сезона го следеше семејството Хармон кое се доселува во проколната куќа, а главните улоги ги толкуваа Дилан Мекдермот, Џесика Ланг, Вера Фармига, Еван Питерс и други.

Авторот на серијата Рајан Марфи рече дека поголемиот дел од глумицте од првата сезона ќе се вратат во новата, само што ќе толкуваат целосно нови ликови.

Левин ќе ја игра едната половина од парот познат само како „Љубовниците“, а наскоро ќе бидат познати уште имиња за серијата.

Втората сезона од „Американска хорор приказна“ почнува во октомври оваа година.