Маж во дваесетите години уапсен е откако денеска извршил вооружен напад на средно училиште на југот од Финска, соопшти полицијата и додаде дека во инцидентот никој не е повреден.

Напаѓачот пукал низ вратата на училницата во средно училиште во Оривеси, 190 километри северно од Хелсинки, кажал вишиот инспектор Јари Кинунен.

Тој рекол дека сите ученици и наставници се безбедни и додал дека напаѓачот не бил ученик на училиштето.

Еден маж е ранет од огненото орује во инцидент кој се случил порано во текот на денешниот ден, но се уште не е познато дали тие два случаи се поврзани, рече Кинунен.

Последните години во Финска се случиле два вооружени напади на училиште во кои имало смртни случаи.

Во инцидент во 2008 година, ученик во средно стручно училиште во Калајоки убил девет ученици и наставник, а потоа извршил самоубиство.

Година дена порано, 18 годишен ученик убил шест ученици, медицинска сестра, директорката и себе во средно училиште во Тусули.