Швајцарскиот авион Solar Impuls, чии мотори работат исклучиво на соларна енергија, ќе се обиде во мај или јуни да прелета од Швајцарија до Мароко без ниту една капка гориво.

Solar Impuls, кој својот инаугуративен лет на релација Париз-Брисел го имаше минатата година, сега го планира своето досега најдолго патување.

На пилотите Бертан Пикар и Андреа Боршберг за оваа растојание, долго 2.500 километри, ќе им бидат потребни 48 часа лет.

Двајцата пилоти ќе се менуваат зад командата на авионот во текот на летот, а предвидено е и застанување во близина на Мадрид.

Пикар и Бошберг, кои воедно се и конструктори на авионот, велат дека тоа ќе биде одличен тест за патот околу светот кој им е предвиден за 2014 година.