Четири тинејџери се обвинети за ладнокрвно убиство на својот другар чие тело потоа го запалиле во шума на југот од Франција, а злосторството го направиле од страв дека ќе ги пријави во полиција поради кражба.

Станува збор за тинејџери меѓу 15 и 17 години кои денеска се изнесени пред истражен судија во Руан.

„Тие направиле вистинска заседа“, изјави претставникот на полицијата Иг Жанен.

Телото на убиениот 17 годишен младич го пронашле ноќта меѓу понеделник и вторник припадниците на Националното ловечко друштво.

Уапсените тинејџери рекле дека одлучиле да се „ослободат“ од својот другар од страв дека ќе ги пријави во полицијата за кражба која ја извршиле кон почетокот на март.

Тие најпрво му пукале во темето, а потоа го запалиле телото, изјави обвинителката Валери Кадинјан.

Привидените тинејџери не се осудувани претходно.