Anonymous се заканија дека во сабота, 31 март целосно ќе го запрат интернетот во „Операција помрачување“, која на форумите на покрена бројни расправи за тоа дали и како е можно тоа да се изведе.
Хакерската група, која од формирањето во 2008 година онеспособи бројни сајтови, тврди дека ќе го болкира системот на имиња на домени (DNS). Британскиот професионалец и професор Алан Вудворд за BBC вели дека, ако успеат во својата намера, ќе го соборат „телефонскиот именик на целиот интернет“, кој веб адресите ги претвара во интернет протоколи, и така интернетот ќе го направат бескорисен.
Добрите познавачи на мрежата сметаат дека тоа е можно да се изведе ако на највисокото ниво на DNS се изведе напад во кој интернет серверот ќе се преплави со толку барања што нема да биде во состојба да одговори на оние легитимните, што потоа би се пренело на целата мрежа.
Тоа би можело да се постигне, како што се тврди, така што хакерите со помош на вирус туѓите компјутери би ги претвориле во „роботи за праќање барања“, при што сопствениците на компјутерите за тоа не мораат да бидат свесни.
Истата техника е користена кон крајот на февруари кога е спречен пристапот до страницата на Интерпол, која е само една од мноуте организации кои беа „жртви“ на хакерите во последните години.
Меѓутоа, се поставува прашањето, и сотанува да се види, дали е можно да се користат слични постапки за да се создаде доволно сообраќај за навистина да се запре целиот интернет.
Акциите на Anonymous вперени се, како што истакнуваат хакерите, против цензурата на интернет и се што претставува крупен капитал.
