Американскиот претседател Барак Обама изјави дека наскоро ќе престане да работи како тренер-волонтер на кошаркарскиот тим на својата ќерка, што му било, како што вели тој, најголемата забава во последните години.
Обама кој преку викендите често му се придружува на кошаркарскиот тим на својата ќерка Саша (10), рече за спортската телевизија TV-ESPN дека ја постигнал целта на тренирањето - укажал на недостатоците.
„Кога ќе ја подобрат играта, ќе имаат тренер кој ќе биде многу подобар од мене“, рече тој.
Обама, чија постара ќерка Малија има 13 години, рече дека „спортот е одличен за децата, посебно за девојчињата - им дава самодоверба и натпреварувачки дух“.
„Студиите покажуваат дека девојките кои се занимаваат со спорт се подобри во одделението, имаат повеќе самодоверба со соочување со момчињата“, рече Обама.
