Не, не снима продолжение на „Титаник“, туку документарен филм за National Geographic.

Џејмс Камерон со посебно дизајнирана подморница нурнал речиси 11 километри под морето кај Маријаниниот ров, околу 200 милји југозападно од островот Гуам во Пацификот.

Камерон нурнал со подморницата „Предизвикувач на длабочини“, за да ја сними флората и фауната кај најдлабката точка под вода во Пацификот, за документарен филм на каналот National Geographic.

Тој на длабочина од 10,94 километри ќе остане околу шест часа, за да го сними чудесниот свет во ровот кој е 120 пати поголем од Големиот кањон и подлабок отколку што Монт Еверест е висок.

Инаку, првиот и единствен пат кога некој нурнал во Маријаниниот ров било во 1960 година, кога Жак Пикар и Дон Волш останале таму „само“ дваесетина минути.