Британец е исфрлен од сопствениот дом, затоа што од него буквално направил свињарник.

По станот на неименуван маж од Дерби, слободно шетала возрасна свиња и таму се хранела и вршела нужда насекаде. Кујната, бањата и ве-цето, како и сите теписи во приземниот дел од станот, целосно биле прекриени со свински измет и кал, пренесува The Sun.

Покрај свињата, во станот со сопственикот живеело и куче, а во дворот се пронајдени и две понија. Според зборовите на соседите, тој човек бил некаков љубител и собирач на животни.

Повеќе од година дена, целото соседство им се жалело на властите на одвратната смрдеа, а некои се жалеле и на силен мирис на урина за време на летните денови. „Тој среде ноќ знаеше да фрла работи во дворот, а еднаш видев како ламинат полн со измет го фрли во дворот на куп“, кажа еден од соседите.

Свињата во станот ја држел, додека животното било уште исклучително мало, а соседите од прво мислеле дека се работи за некој вид свиња домашно-милениче, која нема понатаму повеќе да расте.

Кога претставниците на локалната власт дошле во инспекција, не можеле да го обиколат станот од количината натрупено ѓубре и смрдеата. Откако инспекцијата сепак е спроведена, заклучиле дека обновата на просторот би чинела меѓу 10.000 и 15.000 фунти.

Извесниот станар се оглушил на судскиот налог инспекцијата повторно да дојде во станот, па судот одобрил да биде исфрлен. За време на втората инспекција, сопственикот се во куќата од која е исфрлен, само за со себе да ги поведе својата свиња и куче.