Британската кралица Елизабета II, во сабота наминала на венчавка во градскиот совет во Манчестер, но - непоканета.

Кралицата на венчавката наминала додека го обиколувала градот во рамки на својата турнеја низ земјата во годината во која слави дијамантски јубилеј на престолот, објави BBC.

Заедно со сопругот принц Филип, кралицата се поздравила со штотуку венчаниот пар Џон и Франсис Канинг кои го резервирале градскиот совет многу пред да биде најавена посетата на кралицата.

Кралицата дури позирала со младенците за семејната фотографија.

„Во тој момент се почувствувавме многу, многу посебни“, им кажале потоа младенците на новинарите.

Британскиот кралски пар претхоно бил на ручек во советот кој во нивна чест го приредил градоначалникот на Манчестер, а пред тоа кралицата отворила болница во градот.