Приближувањето на остатокот од една руска ракета ги натерало астронаутите на Меѓународната космичка станица во капсулите за враќање на Земјата.

Американската вселенска агенција NASA соопшти дека отпадот не поминал толку блиску за да претставува опасност, меѓутоа истакнувајќи дека би било опасно доколку удрел во станицата.

Астронаутите, двајца Американци, тројца Руси и еден Холанѓанец, се разбудиле рано и влегле во две капсули „Сојуз“, подготвени да се вратат на Земјата во случај на удар.

Отпадот е воочен дури вчера, па било предоцна Меѓународната космичка страница да се тргне од неговиот пат.

Ова е трет пат во 12 години астронаутите да побараат скривалиште од вселенски отпад. Поради зачестените, а потенцијално опасни средби на космички мисии со отпад, научниците од швајцарскиот центар на Федералниот институт за технологија објавиле план за лансирање на сателит кој би го собирал вселенскиот отпад.