Група од 19 затвореници, припадници на Ал-Каида, избегале вчера од затворот во Киркук, во северен Ирак, откако ги заспале чуварите со успивачки урми.

„Деветнаесет затвореници, припадници на Ал-Каида и џихадскиот проект Ансар ал-Суна, успеаа ноќта меѓу четврток и петок да побегнат низ отворите за вентилација од затворот Тасфират откако чуварите и другите затвореници ги заспале со урми филувани со средство за спиење“, изјавил еден гратски претставник.

Меѓу побегнатите затвореници се двајца осудени на смрт, додека останатите се осудени за убиства, киднапирања и други кривични дела, прецизирал истиот извор, додавајќи дека полицијата го опколила градот во потрага под нив.

Затворот Тасфират се наоѓа во центарот на Киркук кој е оддалечен 240 километри северно од Багдад.

Во почетокот на јануари, 11 затвореници, од кои неколку се осудени на смрт, избегале од затворот во Дохук, 410 километри северно од Багдад, откако ископале тунел долг 80 метри под затворската зграда.