Цариниците на аеродромот во Вашингтон уапсиле жена од Нигерија која се обидела да прошверцува 2,27 килограми хероин така што го проголтала.

Во соопштението полицијата наведува дека 52 годишната Бола Адебиси проголтала 180 капсули со големина на рачен палец во кои се наоѓала дрога вредна 150.000 долари.

Уапсена е и пред федералниот суд ќе одговара за криумчарење на дрога.

Цариниците се посомневале дека нешто шверцува кога рекла дека оди во посета на брат и, но не можела да каже каде тој точно престојува, ни како изгледа.

Со рутински преглед е утврдено дека стомакот и е невообичаено тврд, а потоа на рендгенска снимка се видело дека желудникот и е полн со капсули.

Адебиси така станала рекордерка по количина на проголтана шверцувана дрога на аеродромот во Вашингтон.

Претходниот рекордер исто така бил Нигериец, кој минатата година проголтал капсули во кои имало 1,8 килограми хероин.