Новиот закон во здравството ги шокираше Чесите.
Ако не ги слушате упатствата на лекарот, не ги земата препишаните лекови - за тоа во Чешка следува казна. Според новиот закон, лекарите можат да одбијат понатамошно лечење или да ги отпуштат од болницата пациентите кои ќе пропуштат да дојдат на закажаниот преглед, кој нема да ги следи упатствата. Пациентите се згрозени. Предупредуваат дека ќе страдаат постарите и посиромашните. „Новиот закон стапува во сила на први април. Мислиме дека е неприфатливо на пациентите да им биде одбиено лекување, затоа што, да кажеме се сиромашни и немаат пари за лекови“, рече Лубос Олејар, претседател на здужението на пациенти.
„Новиот закон е лош за пациентите. Лекувањата ќе се влошат, ќе има повеќе здравствени проблеми и можам да кажам - луѓето ќе бидат оставани да умрат“, изјави Јармила Фолпречтова од здружението на пациенти. Законот е донесен за да се намалат трошоците во здавствениот систем кој е на работ на банкрот. Поголемиот број лекари го поддржуваат. „Како лекар би се согласила со овој закон, но како пациентка, а често сум болна - мислам дека е многу лошо“, рече пациентката Власта Доброткова.
„Мислам дека овој став во законот е корисен, затоа што пациентите ќе бидат свесни дека постои можност лекарот да ги одбие. Од друга страна, како лекар мислам дека тоа ќе биде многу ретко. Лично, не можам да замислам ситуација во која би одбил да лекувам некој затоа што се соменвам дека не се придржува до препишаното“, рече лекарот Петр Аренбергер. Грижата за здравјето на пациентот е најважна според Хипократовата заклетва.
