Перла Серано 13 години се претставувал како жена на која и го украл идентитетот. Уапсен е,  но пред тоа на својата жртва и оставил долг од 100.000 долари, потрошени на лечење.

Овој 51 годишен бескуќник во Сан Клемент, Калифорнија полицаецот го затекнал како спие на клупа.

Полицаецот бил уверен дека е жена, но се посомневал кога видел нараквица со друго име.

„Полицаецот ја контактирал локалната болница и дознал дека личноста всушност е маж, а не жена“, рече портпаролот на шерифот Џим Амормино во округот Оринџ.

Властите јавиле дека Серано пред 13 години некако дошол до документација која и припаѓала на личност која има исто име како и тој.

Поради заштита на идентитетот медиумите објавиле дека станува збор за Перла К.

Имено, Серано ја искористил нејзината лична карта на основа на што извадил здравствена книшка.

„Ги користел лекарските услуги во четири различни болници во округот. Трошоците се поголеми од 100.000 долари“, рече Амормино.

Полицијата вели дека Серано користил десетина лажни имиња, но дека за сега имаат податоци само за една од неговите жртви.

Серано е задржан во притвор, а кауцијата е 20.000 долари. Обвинет е за кражба, провалување и кражба на идентитет.