Виолетовото теле од Јездина, кај Чачка, кое до скоро беше вистинска атракција, веќе нема интересен изглед затоа што во меѓувреме избледнало и станало обично.

Семејството Главињич неодамна го продаде својот миленик, не затоа што веќе не е медиумски атрактивен, туку поради економската ситуација.

Телето Милкан, како што го нарекле семејството Главињич поради сличноста со кравата од рекламите за „Милка“ чоколадо, набрго се навикна на камерите, фоторепортерите и луѓето од маркетиншките агенции, кои сакале да го видат тоа чудо на четири нозе.

Меѓутоа, неговата боја се губела полека, ден по ден, па со тек на време станало обично кафеаво теле.

„Како што ни рекоа ветеринарите, на крајот имаше само траги од виолетово. Иако ни беше милениче, моравме да го продадеме“, вели семејството Главињич.