Триесетгодишниот Сару Брирли кој исчезнал пред 25 години, конечно успеал да ги пронајде своите родители благодарение на Google Earth.

Сару имал само пет години кога во 1986 година се враќал дома откако цел ден просел на железничката станица во градот Кандве, на запад од Индија.

Меѓутоа, тој ден се качил на воз кој одел во спротивен правец од неговото село. Исцрпен, заспал во возот и по 10 часа возење завршил на другиот крај од земјата.

Изгубен и исплашен, Сару со месеци се обидувал да се врати дома. Се сретнувал со секакви опасности. За малку ќе се удавел во реката Ганг, а му се заканувало да биде киднапиран и одведен во робија.

Сару на крајот завршил во сиропиталиште, а подоцна го посвоило едно семејство од Тасманија.

Цел живот, Сару се обидувал да им влезе во траг на своите вистински родители.

За време од десет години, секојдневно пребарувал слики на интернет надевајќи се дека ќе најде слики од своите сеќавања.

Чудото се случило неодамна кога на Google Earth ја препознал железничката станица на која просел.

По тоа се станало многу полесно и конечно можел да се сретне со родителите. Сару сега планира да сними филм за својот животен пат.