Британските полицајци мораат да ја покажат својата физичка подготвеност или ќе им биде намалена платата, откако со истражување е утврдено дека 53% имаат прекуумерена тежина.

Со тоа, секој стоти службеник на законот е оценет како „неприродно дебел“.

Во извештајот, кој го порачала владата, за платите и условите за работа на полицајците, се наведува дека полицајците кои нема да го поминат тестот за физичка подготвеност три пати, треба да се дисциплинираат и да се казнат со намалување на платите од 8%, што за некои е и околу 3.000 фунти.

Оваа истражување следувало по анкетата во лондонската полиција која утврдила дека во истражувањето кое опфатило повеќе од 11.500 полицајци, околу 44% имале прекуумерена тежина, 19% биле дебели и 1% предебели.

Во извештајот, кој се поклопувал со владините мерки за намалување од 20% во полицискиот буџет во рамки на мерките за штедење, се препорачуваат и други мерки како што се отпуштање, намалување на основната плата, кревање на старосните граници за одење во пензија и подобри квалификации.

Предлозите, кои повисоките шефови ги поддржале, не поминале добро кај пониско рангираните, кои се соочуваат со замрзнување на платите, поголем пензиски допринос и помал број на работници.

„Полицајците веќе имаат многу несигурности, а овој организиран напад на владата ја помина секоја мерка. Повеќе не може да се поднесе: што е доста, доста е“, рекол Пол Мекивер, претседател на полициската федерација на Англија и Велс.