Најстарата енциклопедија на англиски јазик, „Енциклопедија Британика“, престанува да се печати и преминува исклучиво во електронско издание.

„Британика“ за прв пат е објавена во Единбург, Шкотска во 1768 година и до сега е објавувана во печатено издание секои две години. Сега, по 244 години престанува да постои во печатен облик и преминува во дигитална верзија која ќе биде достапна исклучиво на интернет.

Изданието во 32 тома продавано е за 1.400 долари, а онлајн претплатата ќе чини 70 долари годишно.

Компанијата која ја печатела „Британика“ соопшти дека ќе продолжи со продажба на изданијата се додека не биде исцрпена залихата од четири илјади енциклопедии.