Навистина бизарен случај на убиство се случил за време на викендот во Детроит. Маж е убиен по расправија со продавачот на бензинска пумпа за цената на кондомите.

Мајкл Хајнс се скарал со продавачот на бензинска пумпа околу цената на кондомите, затоа што сметал дека истата е превисока.

Тој барал од продавачот да му ги врати парите или да му наплати по пониска цена. Бидејќи продавачот тоа не го сторил, Хајнс почнал да фрла роба од рафтовите.

Лутиот продавач потоа пукал и го ранил Хајнс во рамото.

Работникот на пумпата, наводно, случајно го пукнал муштеријата, затоа што сакал само да пукне куршум во воздухот.

Пријателот на Хајнс го одвезол во болницата, каде што умрел како последица од ранувањето.

Полицијата со помош на снимката ќе се обиде да утврди што всушност се случило, а продавачот е задржан во притвор.