Хакерите тврдат дека ги украле податоците на повеќе од 73.000 корисници на порнографскиот сајт Digital Playground.

Меѓу украдените податоци се наоѓаат кориснички имиња, е-мејл адреси и лозинки, како и броеви, рок на важење и безбедносните кодови на 40.000 кредитни картички.

Истрагата за нападот на сајтот Digital Playground е во тек. Одговорноста за нападот ја презела досега непознатата хакерска група, The Consortium, за да укаже на пропустите во безбедносниот систем на сајтот. Хакерите тврдат дека се поврзани со повеќе познати хакерски групи, меѓу кои се и Anonymous.

Сајтот кој го одржува канадската компанија Manwin Holding SARL и понатаму е онлајн, но не прифаќа нови членови.

Нападите на порнографските сајтови кои ги администрира компанијата Manwin се се почести. Кон крајот на февруари се украдени податоците на повеќе од 6.000 корисници на форумот на сајтот YouPorn, еден од најпопуларните сајтови за овој вид на забава.