Стујардесите од британската авиокомпанија Virgin Atlantic имаат часови по шепкање за да можат целосно да ги задоволат патниците од прва класа.

Кога светлината ќе се намали во прва класа, за патниците да можат да спијат, потребно е и да се шепка. Затоа стјуардесите сега учат што таквиот начин на говор точно подразбира.

Професионални шепкачи велат дека во тие ситуации оптималната јачина на шепотот е од 20 до 30 децибели. Нормалниот говор е од 60 до 70 децибели.

„Шепкањето ги опушта патниците, а овозможува и да му се обратите на еден патник без вознемирување на личноста во близина“, вели тренерот по шепкање, Ричард Фицџералд.

А што ако патниците толку многу се опуштат, па за’ркаат?

Во Virgin Atlantic мислеле и на тоа. Новите Upper Class Dream апартмани во авионот се акустично изолирани така што во нив се слуша само тоа што патникот го сака.

Со оглед на тоа што повратна кара од Лондон до Њујорк чини 6.000 фунти, толкавиот труд е сосема оправдан.