Јоана Крзизтонек од Полска породилните болки ги трпела 75 дена.

Бремената Јоана Крзизтонек морала да лежи речиси наопаку за време на породилните болки кои траеле 75 дена за на свет безбедно да донесе близнаци. Тоа биле мерките на кои лекарите се одлучиле откако првото дете родено во 22 недела починало. Јоана лежела под агол од 35 степени, така што главата и била свртена кон долу, а нозете кон горе.

31 годишната жена била воодушевена кога открила дека очекува тројка. Бременоста течела нормално и Јоана секојдневно одела на работа. Меѓутоа, во 22 недела од бременоста почнала да чувствува породилни болки. Едно од трите деца се родило, меѓутоа прерано па затоа и умрело.

Лекарите успеале да го запрат раѓањето на другите две деца, давајќи и лек кој требал да ги ублажи породилните болки. Освен тоа, морала да лежи во кревет во посебна положба.

„Цело време размислував за бебињата“, вели Јоана. На крајот ги родила ќерката Ига и синот Игнасиј на 15 февруари со царски рез.

Лекарите сметаат дека породилни болки имала од раѓањето на првото дете. „Раѓањето има свој почеток и крај. Ако првото дете е родено, значи дека породувањето е започнато“, рекол д-р Мариуз Цимер и рекол дека одлучноста на Јоана да има деца била пресудна во тоа што близнаците се родиле и преживеале.

Пораѓањето во просек трае меѓу 8 и 12 часа, а бременоста околу 40 неели. Ига и Игнасиј се родени во 32 недела, па првите денови од животот ги поминале во инкубатор.