Полицијата од Шри Ланка известила дека еден 24 годишен маж умрел додека жив закопан се обидувал да го собори светскиот рекорд.

Џанака Баснајаке го закопале жив во сабота наутро во еден канал. Семејството и пријателите му помогнале, а потоа каналот го запечатиле со дрва и земја.

Локалните медиуми известиле дека каналот во кој младичот бил закопан бил околу 3 метри.

Полицијата известила дека седум и пол часа подоцна, кога е извлечен на површината, бил без свест и веднаш бил превезен во болницата каде што е прогласен за мртов.