Родителите на 3 годишната Хармони сфатиле дека ја нема ќерка им дури кога на вестите виделе дека се бараат нејзините родители.

Вработените во една пицерија во градот Бел Еир, Мериленд во саботата околу 20 часот забележиле дека 3 годишно девојче е сосема само откако на еден од вработените му рекло дека е многу жедна. Откако не можеле да ги пронајдат ниту родителите, ниту старателите, шефот на пицеријата се јавил во полиција.

Замениците на шерифот од округот Харфорд чекале во пицеријата заедно со Хармони до 21:30. Бидејќи и понатаму никој не доаѓал по девојчето, го однеле во канцеларијата на шерифот и нејзината слика ја дале на локалните телевизиски станици надевајќи се дека ќе ги пронајдат нејзините родители.

Речиси веднаш по објавувањето на фотографијата во вечерните вести во канцеларијата на шерифот се јавиле мајката и таткото. Иако разведени, имаат заедничко старателство и двајцата претпоставувале дека малата е кај другиот родител. Имено, Хармони попладне стигнала во пицеријата на прослава на детски роденден. Била во група со 4 возрасни личности и десетина деца. Кога прославата завршила никој од роднините не забележал дека Хармони се шмугнала назад во пицеријата. Девојчето е вратено кај мајка си, а од канцеларијата на шерифот овој пат нема да подигне потврда против родителите затоа што „девојчето не е оставено намерно“.