Молдавскиот парламент изгласал закон со кој педофилите и одредени силувачи ќе се казнуваат со хемиска кастрација.

Парламентот донел таква одлука откако членовите оцениле дека нивната сиромашна земја привлекува педофили од Запад.

Законот ќе стапи во сила на 1 јули.

Новиот закон предвидува хемиска кастрација за педофилите, додека за кастрацијата на силувачите ќе одлучуваат судовите.

Со законот се опфатени и странски државјани. Валериј Мунтеан, член на Либералната странка, изјави дека таквата мерка се покажала како неопходна по откривање на неколку случаи на злоставувања на деца во кои сторителите биле педофили од САД и западна Европа.

Процедурата подразбира редовно внесување на хормони кои го уништуваат тестостеронот, на секои три месеци.