Хакери насилно влегле во компјутерскиот систем на Sony Music и ги украле до сега необјавените песни и друг музички материјал од починатиот крал на поп музиката, Мајкл Џексон.

Од дискографската куќа Sony потврдиле дека илегално се симнати повеќе од 50.000 музички фајлови вредни околу 250 милиони долари.

Меѓу украдените снимки, покрај останатото, се и необјавени песни и дуети на Мајкл Џексон со други музички ѕвезди.

По повод овој случај на илегално насилно влегување и кражба на интелектуална сопственост, американската полиција привела две личности, кои по испитувањето, со кауција, се пуштени на слобода.

Се уште не е познато дали досега необјавените снимки завршиле на интернет, или хакерите планирале да ги преточат во пари на некој друг начин.