Иако веќе полека ги напушта тинејџерските години, Рајан Кичинг (19) сè уште така се однесува - собата секогаш му е во неред, но тој неред криел и добитно лото ливче.

Мајка му повеќе од две недели упорно го опоменувала за нередот во собата, а Рајан средувањето го одложувал што подолго можел и кога ги пробил сите рокови, морал да го направи неизбежното - да ја среди собата, а во хаосот пронашол и лото уплатено на 8 февруари.

Иако не верувал во добивката, сепак одлучил да ја провери добитната комбинација и на среќата ѝ немало крај - добил 52.981 фунта, а на Фејсбук веднаш напишал статус: „Мамо, фала ти што ме трпиш“.

Иако сè уште ги нема подигнато парите, дел веќе „потрошил“ на славење, но не ги заборавил ни родителите, на кои ќе им плати одмор.

„На мојата соба и требаше добро чистење и мајка ми ми приговараше неколку недели, а јас никако да стигнам... Знаев дека ќе бидам во неволја ако не ја средам собата, па почнав со средувањето. Кога дојдов до купиштата гардероба за перење, таму најдов Xbox, но и лото“, вели среќниот Рајан.