Меѓу шест и дваесет милиони долари, а конечната одлука ќе ја донесе судот.

Актерката Николет Шеридан, која во серијата ја играше „крадачката на мажи“ Иди Брит, на судот бара 20 милиони долари од творците на серијата „Очајни домаќинки“ на Марк Чери.

Таа наведува дека Чери во 2008 година по кратка расправија за текстот на нејзиниот лик ја удрил в лице, тврди актерката. Шеридан вели дека Чери подоцна дошол во нејзината приколка за да и се извини, а кога таа инцидентот им го пријавила на одговорните на телевизиската куќа ABC, Чери и возвратил така што го „убил“ нејзиниот лик во серијата во изненадна автомобилска несреќа.

Ни останатите „очајни домаќинки“ не поминаа без проблеми со Марк. За актерката Тери Хачер, која во серијата ја игра Сузан Мајер, Чери рече дека се надева дека ќе ја „прегази автомобил“.

Во Лос Анџелес почна судењето на Чери поради физички напад и незаконско отпуштање, а американскиот печат пишува дека Николет од тоа ќе излезе побогата за најмалку шест милиони долари.