За да обезбедат пари за вложување во инфраструктура, мештаните на едно шпанско село со гласање одлучиле да издаваат земја на оние кои сакаат да одгледуваат марихуана.

Меѓутоа, претставник на владата соопштил дека одгледувањето на тоа растение е противзаконско и јавниот обвинител ќе интервенира веднаш штом билките ќе бидат засадени.

Во селото Раскуера во Каталонија, кое има 900 жители, велат дека одлуката е усвоена регуларно, иако со потесното мнозинство. Од седум селски главешини, четворица гласале земјата да им се издаде на одгледувачите на марихуана, додека тројца биле против.

Сопствениците на земјиштето, кои ќе сакаат, ќе направат договор за закуп со селските старешини, кои ќе ја преземат одговорноста за управување со тие парцели, а ќе им ги понудат на Здружението на конзумирачи на марихуана од Барселона.

Според шпанскиот закон, пушењето на марихуана е дозволено, но не и одлгедување на канабис.