Еден од најстарите чемпреси на светот изгорел на Флорида, а го запалила жена (26) додека се дрогирала, а потоа своето „дело“ го фотографирала.

Како што утринава соопштиле властите од Флорида, Сара Барнс е зад решетки затоа што ја идентификувале двајца сведоци. Обвинетата се терети дека пред месец дена запалила чемпрес висок 36 метри, меѓу жителите на округот Семинол познат како „Сенатор“.

Претставниците на Семинол велат дека дрвото било околу 3.500 години.

Во претресот на куќата на Сара Барнс во Винтер Парк во централна Флорида, најдени се метафетамин и средства за дрогирање, а запленети се и нејзиниот мобилен телефон и лаптоп.

Според еден весник, Барнс со мобилниот телефон го фотографирала пожарот кој го предизвикала.