Заплетот и името на книгата се држат во тајност, пишува британскиот печат.

Џоан К. Роулинг, авторката на хит серијалот романи за Хари Потер, најави дека нејзината нова книга ќе биде наменета за возрасните.

Роулинг, која од екипата од Хогвортс заработи повеќе од 530 милиони фунти, потпишала со издавачката куќа Little договор вреден пет милиони фунти за пишување на нова книга.

„Пишувањето за Хари Потер навистина беше уживање, но ова ќе биде вистински предизвик. Се радувам што ќе истражам нови територии“, соопшти писателката.

Таа се уште не сака да открие ниту еден детал врзан за книгата, чиј датум на излегување уште не е познат.

Седумте книги за Хари Потер и дружината од училиштето се продадени во повеќе од 450 милиони копии ширум светот, а последниот дел од книгата само во првиот ден остварил продажба од 11 милиони примероци.