Прелиминарните резултати од токсиколошките анализи откриле дека Витни Хјустон умрела од смртоносна комбинација на лековите „Валиум“, „Ксанакс“ и алкохол.

„Прелиминарните резултати од токсиколошките анализи откриле дека Витни Хјустон умрела од смртоносна комбинација на лековите „Валиум“, „Ксанакс“ и алкохол“, објавил Fox News.

Иако додатните анализи дури сега треба да ја потврдат точната причина за смртта, лекарите тврдат дека коктелот лекови и алкохол предизвикал прекин на работата на срцето на поп дивата.

Целосните резултати би требало да бидат објавени кон почетокот на наредниот месец.

Безживотното тело на славната пејачка е пронајдено на 11 февруари во бањата во соба во хотелот „Хилтон“ на Беверли Хилс.

На комеморативниот собир одржан на 18 февруари, семејството, пријателите, колегите и обожавателите се збогуваа со пејачката со ангелски глас, а ден подоцна Витни е погребана на гробиштата Fairview во Вестфилд каде што почива и нејзиниот татко.