Лекарскиот тим на универзитетската болница „Хаџетепе“ во Анкара ја направил првата трансплантација на сите четири екстремитети, пресадувајќи му на еден младич две раце и две нозе.

Главниот лекар д-р Мурат Тунџер денеска апелирал до дарителите на крв случајно да не дојде до евентуални компликации по дванаесетчасовната операција, во која учествувале повеќе од 50 лекари.

Операцијата е направена по неуспешната тројна трансплатација на екстремитети пред два месеци во болница во Анталија. Лекарите од таа болница биле принудени да ја отстранат веќе пресадената нога поради некомпитабилност на ткивото. Истиот пациент добил две нови раце.

Д-р Тунџер рекол дека неговиот тим во петок извел и друга трансплатација на лице, што е втора таква операција оваа година во Турција.