Нема ништо полошо од скапана гума кога со автомобилот се бега со плен после кражба.

Тоа го искусила една банда ограбувачи во Шпанија, која вчера со комбе провалиле во сеф во складиштето во курирската служба и побегнале со неколку вреќи драгоцености.

Крадците потоа, според соопштението на полицијата од Мадрид, се одвезле со аудито, но доживеале судир при вклучувањето во автопатот.

Причина за сообраќајката - пробушена гума на автомобилот!

Бандитите тогаш пресретнале еден автомобил и го зеле од сопственикот заканувајќи му се со пиштол. Продолжиле понатаму бегајќи, но поголем дел од пленот го оставиле во напуштеното ауди.

Украдената роба била во вредност повеќе од 50.000 евра, иако шпанските медиуми тврдат дека станува збор за многу поголема сума.

Некои пак пишуваат дека меѓу украдените работи имало и дијаманти и часовници од марката „Ролекс“.