Кинеските власти го забраниле „читањето“ од дланка во северот на земјата. Ваквото „проценување на ителигенцијата на детето“ родителите го плаќале по 1.200 јуани (190 долари)...
Кинеските власти забраниле во градниките во северната кинеска провинција Шанси на малите да им се „чита“ од дланка.
Иако многу родители сакале на нивните деца да им се „чита“ од дланка за да се утврди „вродената интелигенција и потенцијал на детето“, некои подоцна се жалеле на високата цена, која изнесувала 190 долари, а почнале и да се сомневаат во исправноста на оваа метода.
Локалниот шеф на канцеларијата за образование, Ма Џосјинг рекол дека читањето на децата од длнака сега е забрането и додал дека властите истражуваат дали компанијата „Шанси даоменг култура за комуникации“ која го спроведувала „тестирањето“ прекршила некој закон.
Предвидувањето на судбината, вклучувајќи го и „читањето“ од дланка, има длабоки корени во кинеската традиција и уште е живо, иако кинеските лидери се обидувале да ги обесхрабрат и казнат следбениците на оваа пракса кои ги сметаат за суеверни.
