Таблоидот National Enquirer на насловната страница објавил фотка од пејачката во ковчегот.

Списанието познато по бизарни наслови и статии и порано објавувало контроверни фотографии, но американската јавност е шокирана од насловната страница на која има фотка од мртвата Витни Хјустон.

Сликата настанала на бдеењето пред погребот во Њујорк, а не е познато како National Enquirer успеале да ја направат или од кого ја купиле затоа што бдеењето било затворено за јавноста и ожалостените морале да имаат посебна покана.

На фотографијата пејачката е во ковчег, облечена во виолетов фустан и со дијамантски накит за кој списанието пишува дека е вреден 500.000 долари.

Семејството на Витни Хјустон се уште се нема огласено по повод спорната фотографија.