Според овој договор, како што пренесува njuz.net, Грција ќе мора следниот месец во седиштето на Обединетите нации да ги повлече сите процеси околу правото на користење на името "Македонија", по што ќе се одржи седница на ОН која дефинитивно ќе го присвои името "Македонија"...

За оваа отстапка, владите на Грција и Македонија потпишаа договор според кој Македонија ќе и исплаќа сума од 100 евра месечно за период од 50 години, пишува српскиот njuz.net.

Порталот njuz.net исто така пренесува дека првобитната понуда од Грција била 120 евра, но нашата влада им понудила цена од 100 евра месечно.

Премиерот Пападемос изјавил дека Грција и понатаму се наоѓа во големи долгови, и дека во овој момент треба да ги најдат сите можни извори на приход.

"Покрај признавањето на Македонија, опција во која овие денови се размислува е и предавањето на Кипар на Турција за 250 евра месечно. Тоа би ни помогнало во овие тешки времиња, бидејќи тогаш би имале вкупно додатни 350 евра месечно", рекол премиерот Пападемос.

Извор: njuz.net