Властите во Аргентина прогласиле два дена жалост поради несреќа со воз...

Истрагата за несреќата во која загинаа 49 лица, а 676 се повредени, се уште е во тек. Локалниот министер за транспорт, изјави дека никогаш не видел таква несреќа.

Возот удрил во оградата на станица во западниот дел на Буенос Аирес, а во несреќата најмногу настрадал првиот вагон.

"Владата и граѓаните во мислите се со семејствата на загинатите во несреќата", истакнала Фернандес во обраќањето за јавноста.

"Никогаш во својот живот не сум видел ваква несреќа", рекол аргентинскиот министер за транспорт, Хуан Пабло Шиави. Додал дека истрагата за несреќата е во тек. Министерот во средата рекол дека причината за несреќата е најверојатно откажување на сопирачките.

Возот во оградата удрил со брзина од 26 километри на час, при што биле оштетени моторот и вагоните. Патниците и сведоците на несреќата рекле дека ударот звучел како експлозија на бомба. Ова е една од најтешките железнички несреќи во историјата на Аргентина.