Чоколатца полнети со кокаин упатени се од Костарика до Никшич, а црногорската полиција ја запленила пратката и отворила истрага за тој случај.

Како што објавил еден весник, пакетчето чоколатца полнети со кокаин биле упатени до една Никшичанка, која негирала било каква поврзаност со пратката.

Германската полиција, како што се наведува, ги известила црногорските колеги дека во Франкфурт, една од главните поштенски раскрсници меѓу Европа и Јужна Америка, е откриено мало пакетче со кокаин, адресиран до Црна Гора.

Спорното пакетче и е проследено на црногорската полиција, по што поштарот, следен од инспекторот за наркотици, чукнал на вратата на Никшичанката која рекла дека не очекува никаква пратка од Костарика, односно ја негирала била која поврзаност со спорната пратка.

Како што се наведува, во тек е полициска истрага за целиот случај.