Мајка од југот на Шведска е пријавена на здравствените власти затоа што наводно синот со години го држела во заблуда и во светот на фантазијата, велејќи му дека меѓу нас живеат штрумфови и вонземјанци.

„Успеала да го увери дека вонземјанците и штумфовите навистина постојат“, стои во пријавата која му е поднесена на шведскиот Национален одбор за здравје и благосостојба.

Но, тоа не е се, затоа што мајката на момчето приморала и тројца негови лични дневни воспитувачи да живеат со него во свет на фантазија, во кој меѓу луѓето живеат штумфови и вонземјанци. Како резултат на тоа, момчето на мајчината „елаборирана“ фантазија реагирал со многу автодеструктивно однесување.

Неколку пати надлежните служби се обиделе да влијаат на однесувањето на мајката, но без успех. Мајката на момчето не обраќала внимание на тоа, туку одлучила да поднесе барање за лична помошничка на своето дете во друга општина.

Пријавата е поднесена порано овој месец, во склад со законот, кој ги обврзува старателските служби да пријавуваат било каков случај на злоставување на деца на социјалните служби.